上次講起籌建港大，提到印度商人麼地好慷慨咁捐咗15萬出嚟，俾港大起校舍，喺尖沙咀亦有一條以佢命名嘅街道「麼地道」，阿史今日就介紹吓呢位印度商人。

麼地係印度巴斯人，1838年生於印度孟買，佢1858年嚟做香港，初初係文員，之後自己做生意，販賣鴉片。不過佢見到鴉片貿易好快會被取締，所以轉型投資股票債券。喺1860年代初，識咗同樣來自印度嘅亞美尼亞人遮打，二人一見如故，响1868年成立經紀行，之後從事地產買賣，累積大量財富。佢同遮打仲同香港填海發展有關，當初佢哋齊齊游說政府，先至促成1890至1904年嘅干諾道填海工程。

當政府發展緊港島嗰時，麼地就已經睇準九龍嘅發展潛力，响尖沙咀買落唔少地，而尖沙咀麼地道同麼地廣場都係以佢嘅名字命名。除咗港大之外，麼地亦都捐錢興建海陸軍人之家、九龍木球會。1910年佢獲得封爵，翌年逝世，終年73歲。

圖片為尖沙咀、位於港大嘅麼地像，取自網絡。